आधारभुत मेलमिलाप सम्बन्धी तालिम टोखामा सम्पन्न

२० अशोज २०७८ ।
टोखा नगरपालिकामा आधारभुत मेलमिलाप सम्बन्धी तालिम सम्पन्न भएको छ ।
टोखा नगरपालिका न्यायिक समितिको आयोजना र असहाय सेवा केन्द्र सुसको सहकार्यमा भएको सो तालिम ८ दिनसम्म सञ्चालन भएको थियो ।
तालिमको समापन कार्यक्रम मेलमिलाप परिषदका अध्यक्ष एवम् सर्बोच्च अदालतका न्यायाधीश दिपक कुमार कार्कीको प्रमुख आतिथ्यतामा सम्पन्न भएको थियो ।
कार्यक्रममा टोखा नगरपालिकाका नगर प्रमुख प्रकाश अधिकारीले न्यायिक समितिका कामहरुलाई प्रभावकारी र व्यवस्थित बनाउन तालिम उपयोगी हुने बताउदै आधारभुत मेलमिलाप सम्बन्धी तालिममा सिकेका कुराहरुलाई व्यवहारमा लागु गर्न तालिमका सहभागीहरुलाई आग्रह गर्नुभएको थियो ।
कार्यक्रममा टोखा नगरपालिकाका उपप्रमुख ज्ञानमाया डंगोलले न्यायिक समितिले मेलमिलापलाई प्राथमिकता दिएर न्यायिक समितिमा पर्ने मुद्धाको टुंगो लगाउने गरेको बताउदै आधारभुत मेलमिलाप सम्बन्धी तालिमले न्यायिक समितिबाट हुने कामहरुलाई सरल, सहज र प्रभावकारी बनाउन सहयोग पुग्ने विश्वास व्यक्त गर्नुभएको थियो ।
कार्यक्रममा टोखा नगरपालिकाका नगर प्रमुख प्रकाश अधिकारीले मेलमिलाप परिषदका अध्यक्ष एवम् सर्बोच्च अदालतका न्यायाधीश दिपक कुमार कार्कीलाई मायाको चिनो प्रदान गर्नुभएको थियो ।
कार्यक्रममा टोखा नगरपालिकाका जनप्रतिनिधिहरु, प्रमुख प्रशासकीय अधिकृत प्रकाश आचार्य, न्यायिक समितिका सदस्यहरु, कानूनी सल्लाहकारहरु लगायत मेलमिलापकर्ताहरुको सहभागिता रहेको थियो । 

Leave a Reply

Your email address will not be published. Required fields are marked *