“लाग्छ कहिले त” अनुभुती कबिता संग्रह बाट

रेणु अधिकारी (मौनता)

“लाग्छ कहिले त”
सागर झै गहिरो तिम्रो माया
सगर जस्तै उच्च तिम्रा भाबना हरु ।
सम्झेर मुटुको गहिराइ सम्म ।
हर्षले पुलकित हुनपुग्छु,
लाग्छ कहिले त आँखा चिम्लेर,
संसार नै बिर्सिदिउँ,
मात्र तिमीलाइ अँगालु ।

हिमाल जस्तै अटल तिम्रा संकल्पहरु,
खोला जस्तै निरन्तर पलाइरहने तिम्रो माया ।
कल्पेर हृदयको तरङ सम्म
खुसिले बिभोर हुनपुग्छु ।
लाग्छ कहिले त पखेटा हालेर,
आकाश माथि उडिजाँउ ।
मात्र तिम्रो साथ संगालु ।

सगरमाथा जस्तै शान्त तिम्रो छाँया,
बुद्द जस्तै ज्ञानी र सहनशीलता देखेर
मस्तिष्कको अन्तष्करण सम्म
मदहोस भैइदिन्छु ।

लाग्छ कहिले त सारा संसारै भुलेर                                                                                                                                                                                               जीवन नै सुम्पिदिउँ ।
मात्र तिम्रो माया संम्हालु ।

अस्तु

Leave a Reply

Your email address will not be published. Required fields are marked *